Çfarë është një faturë me para në dorë?
"Pagesa me para në dorë" është pagesë për mallrat ose shërbimet e kryera me kartëmonedha ose monedha, të cilat konsiderohen mjete pagese në përputhje me legjislacionin e fushës dhe, për qëllim të këtij ligji, përfshijnë edhe kartat e debitit, kreditit dhe çeqet.
Pagesat me para në dorë për transaksionet mes subjekteve. Personat e tatueshëm nuk lejohet të kryejnë midis tyre transaksione shitjeje dhe blerjeje me lekë në dorë, kur vlera e çdo transaksioni është më e madhe se 150,000 lekë.
Kryerja me lekë në dorë dhe jo nëpërmjet kalimit nga llogaria likuiduese e blerësit në llogarinë likuiduese të shitësit e transaksioneve të shitblerjes që e kalojnë vlerën 150,000 lekë, përbën shkelje si për shitësin ashtu dhe për blerësin dhe dënohet me një gjobë sa 10% e vlerës së çdo transaksioni të kryer me lekë në dorë.
Fraksionizimi i transaksionit, është ndarja e një shitjeje me vlerë të madhe (mbi 150,000 lekë) në pjesë më të vogla, për të shmangur pagesën nëpërmjet llogarisë bankare. Një ndarje e tillë konsiderohet pagesë me para në dorë dhe ju penalizon me 10% të vlerës së transaksionit.
Për shembull, ngarkesa 10 tonëshe me hekur për ndërtim, ndahet në 10 fatura me vlerë nga 100,000 lekë secila, megjithëse e gjithë ngarkesa dërgohet te klienti njëherësh. Secila prej faturave paguhet me para në dorë, meqenëse vlera e secilës është më e vogël se kufiri i lejuar prej 150,000 lekësh. Në këtë rast, autoritetet tatimore do ta konsiderojnë këtë shitje me para në dorë në shkelje të procedurave tatimore, dhe subjekti rrezikon penalitetin prej 10% të vlerës, domethënë 150,000 lekë.
Kufizimi i parashikuar në ligj jepet për transaksionet mbi vlerën 150,000 që kryhen me para në dorë ndërmjet dy personave të tatueshëm, fizikë ose juridikë tregtarë. Mosrespektimi i tij konsiderohet shkelje dhe aplikohet dënimi i përcaktuar në përputhje me përcaktimet ligjore. Ky kufizim nuk aplikohet kur pagesa kryhet për një transaksion midis një personi tregtar dhe një individi, pavarësisht se vlera e transaksionit është mbi 150,000 lekë.
Si i lëshoni në fature.al
Në fature.al ju mund të lëshoni fatura me para në dorë shumë thjeshtë.
Pasi të keni plotësuar të dhënat e profilit të kompanisë (certifikatë elektronike, kodin e biznesit, kodin e operatorit, llogarinë bankare) do ju duhet që gjithashtu të regjistroni edhe një pajisje fiskale.
Për të regjistruar pajisjen fiskale, navigoni në Konfigurime > Pajisje elektronike faturimi (Arka). Shtoni një pajisje të re. Informacioni i nevojshëm që ju mund të vendosni është:
- Emërtimi i arkës.
- Data nga e cila do jetë aktive.
- Data deri kur do jetë aktive (mund të mos plotësohet dhe nuk ka afat).
Pasi të ruhet arka, mund të shkoni tek Përdoruesit dhe mund t'ia caktoni përdoruesve.